Gusto ba ninyong makipagtagpo sa mga dumarating na pasahero sa SFO? Gamitin ang isa sa iminumungkahi namin na tagpuang lugar para sa bawat terminal.
Dahil sa mga restriksiyon sa seguridad, hindi puwedeng katagpuin ang dumarating na mga pasahero sa gate. Bukod rito, hindi rin pinahihintulutan ang mga sasakyan na maghintay sa may bangketa. Puwedeng umikot sa terminal ang mga nagmamanehong naghihintay na makatagpo ang mga pasahero o pumarada sa Cell Phone Waiting Lot (libreng paradahan para sa pagsundo sa mga pasahero). Iminumungkahi na pagdesisyunan ng susundo at ng susunduin ang tagpuan bago pumunta sa airport.
Mga Iminumungkahi na Tagpuang Lugar (Meeting Points)
Terminal 1
Matatagpuan ang mauupuang mga lugar malapit sa mga labasan sa B Gates (Gates B1-B27). Puwedeng masalubong ang mga pasaherong darating sa C Gates (Gates C1-C11) sa lugar na may karatulang "Meeting Point (Tagpuan)," at matatagpuan ito sa Palapag para sa mga Pag-alis/Pagtitiket (Departures/Ticketing Level) na malapit sa mga labasan.
Terminal 2
Puwedeng katagpuin ang mga pasaherong darating sa D Gates (Gates D1-D15) sa karatulang “Meeting Point (Tagpuan)” na nasa Palapag para sa Pag-alis / Pagtitiket ('Departures / Ticketing), na malapit sa mga labasan.
Terminal 3
Maaari namang katagpuin ang mga pasaherong darating sa E at F Gates (Gates E1-E13 at F1-F22) sa karatulang "Meeting Point (Tagpuan)"na nasa Palapag para sa Mga Pagdating / Pinagkukunan ng Bagahe (Arrivals / Baggage Clain), na nasa pagitan ng Baggage Carousels (umiikot na pinaglalagyan ng bagahe) 3 at 4.
Internasyonal na Terminal
Puwedeng katagpuin ang mga pasaherong mula sa ibang bansa sa labasan ng nauukol sa Adwana at Imigrasyon ng Estados Unidos (US Customs and Immigration), na nasa Lobby ng Palapag para sa mga Dumarating ng Internasyonal na Terminal. May karatula ang Meeting Point (Tagpuan) sa lugar ng lobby.
